ज्यू जान
ःःःः ज्यू जान - JIU. JAAN ःःःः ःःःःःःःः सच मान, कि नी मान, मेरी ज्यू जान ह्वेगे तू।। सच मान, कि नी मान... मेरी आंख्यूं बसी, मेरा मनौ, ध्यान ह्वेगे तू।। सच मान, कि नी मान.... मेरा प्यारौ ज्ञान, मेरु अभिमान ह्वेगे तू।। सच मान, कि नी मान..... मेरा बोलू गान, गानै, सुर तान ह्वेगे तू।। सच मान, कि नी मान.... मेरी खुशियों कि खान, गौं गौला, मेरी पहचान ह्वेगे तू।। सच मान, कि नी मान... मेरा आन बानै, मान. सम्मान ह्वेगे तू।। सच मान, कि नी मान ... मेरी पूजा. पाठौ सुफल, मैं देवतौं देई, वरदान ह्वेगे तू।। सच मान, कि नी मान, मेरी ज्यू जान ह्वेगे तू।। कल्याण सिंह चौहान