चुनौ/चुनाव
## चुनौ/ चुनाव ## &&&&&&&&&& समणा-समणि, मुख फेरी/ पीठ लगै जाणु जौंकु। आज चिफळि गिचिन, सेवा सौंळि लगाणु उं कु। लगणू चुनौ ऐगि मेरा गौं कु।। पीठिया भै-बैणों, द्विरणि-जिठणियूं नातु जौं कु। बुरै, एक है कै करणु, होयूं आज काम उं कु। लगणू चुनौ ऐगि मेरा गौं कु।। फुटी आंखि नि स्वांणु, एक है का जौं कु। एक गौळा पाणि जाणू, आज उं कु। लगणू चुनौ ऐगि मेरा गौं कु।। मैं खौं, मेरा खौंन, द्यौ भ्याळि तक जौं कु। गौं विकास/भलै बात करणु, आज उं कु। लगणू चुनौ ऐगि मेरा गौं कु।। चुनौं आंदु-जांदु रैंदा, आंदु-जांदु रेलु गौं कु। अपणा स्वार्थौ,भै-चारु न बिगाड़ु चुनौ गौं कु। लगणू चुनौ ऐगि मेरा गौं कु।। कल्याण सिंह "दिल"