क्या छौं, कु छौं

  

   ःःः क्या छौं, कु छौं ःःःः

कै कु किलै बोलु मैं, अफी सै परेशान छ मैं।।                      रिस्ता खूनौ जौं से मेरु, ऊंही से ल्वेसार छ मैं।।      

      
ऐ बथौं कभी इन भी चल, पता चलु कैकु छौं मैं।
ज्यूणुं तकौ दुंद, निभौणू म्वन तकौ वक्त देगी मैं।।                                                                             
बोल्दिन खुशी ह्वे ज्यूण,  खुश मुखड़ि बण्यू छ मैं।                खड़गदार मनखी निभौंदन रिस्ता, पता छ मैं।।       

कै कु किलै बोलु मैं, अफी सै परेशान छ मैं।                      रिस्ता खूनौ जौं से मेरु, ऊंही से ल्वेसार छ मैं।।                      
सभी सच नी होंदु कंदुड़ू सुण्यू, अपणा मनै सुणणू छौं मैं।
हैका से अगनै बढ़नै होड़ सभ्यू, क्वी कै कु नी पता च मैं।।           
घुसे घुसे नि बणदु क्वी अफरु, अफी बणजांदु पता छ मैं।   
पूछी बाटु त मिल जांदु, ठिकणा त अफी जाण पता छ मैं।।                                                                                   
 कै कु किलै बोलु मैं, अफी सै परेशान छ मैं।                       रिस्ता खूनौ जौं से मेरु,ऊंही से ल्वेसार छ मैं।।                 
                                                                                हरि कथा, मनखी व्यथा, नि समझदु क्वी, पता छ मैं।          अपणौ मा छै खास बात, कसम दे खुलगि पता छ मैं।।                               
घड़यू पता नीच, साख्यूं कि चिंता, नादानी पता छ मैं।

ब्बे बाबू आशीष फलदु जरूर, नी मनदा क्वी पता छ मैं।।

कै कु किलै बोलु मैं, अफी सै परेशान छ मैं।                  रिस्ता  खूनौ जौं से मेरु, ऊंही से ल्वेसार छ मैं।।           

 
सभी किताब कौफियूं की, रफ कौफी छौं मैं, पता छ मैं।     उडणा सभी पन्ना मेरा, बिना जिल्दै किताब छौं,पता छ मैं।।                  
समझ तुम्हारी पौढ़ा चा नि पौढ़ा, तुम्हारा मनै बात छ मैं।     कै कु तै गुफूंज्या, कै कु देवतौं कि भेजीं सौगात छ मैं।।          
कै कु किलै बोलु मैं, अफी सै परेशान छ मैं।।                    रिस्ता खूनौ जौं से मेरु, ऊंही से ल्वेसार छ मैं।। 

      ःःःःः कल्याण सिंह चौहान ःःःःःः