अजीब दुंद

 ।।ःःःः" अजीब दुंद " ःःःः।।
            ःःःःःःःःःः

दुनिया प्रेमियों का दिल रैंदू, एक अजीब दुंद,
एक अजाण दुंदै डौर रैंदी, हैका अजाण दुंद ।।
दुनिया प्रेमियों का दिल रैंदू, एक अजीब दुंद.......

न जाणी कै मोड़ कैसे प्यार ह्वे जाऊ,
कै माड़ पै प्यार खत्म ।
विश्वास पै टिकी प्यारै दुनिया,
शक पै प्यार खत्म ।।
दुनिया प्रेमियों का दिल रैंदू, एक अजीब दुंद.......

दिल मिलणै द्वी दिल जणदा,
दिल टुटणै सरु संसार ।
आजादी मा प्यार खिलदू,
बंदिश पै प्यार खत्म ।।
दुनिया प्रेमियों का दिल रैंदू, एक अजीब दुंद.....

प्यार पैली भी ह्वे, हम भी करणा,
हमरा बाद भि होलू ।
क्वी नी जाणी, एक अजनवी,
कब बणगी अपणी जान ।।
दुनिया प्रेमियों का दिल रैंदू, एक अजीब दुंद...

प्यार हमेशा दिल मा रैंदू, कैकू पैकी,
कैकू प्यार ख्वै की ।
आंखी करदिन किलै, क्वी नी जाणी,
एक अजनबी से प्यारौ कौलकरार ।।
दुनिया प्रेमियों का दिल रैंदू, एक अजीब दुंद....

प्रभूवी अनमोल नेमत दुनियौ,
प्यार प्यार प्यार,
भग्यान पालू,  भग्यान देलू,
दुनिया मा कैकू प्यार प्यार प्यार ।।

दुनिया प्रेमियों का दिल रैंदू, एक अजीब दुंद,
एक अजाण दुंदै डौर रैंदी, हैका अजाण दुंद ।।
 

     ःःःःकल्याण सिंह चौहान "दिल"::::                       

 ःःःःःःःःःःःःःःःःःः