कालु. गोरी

                ःःः कालु . गोरी ःःः
                        ःःःःःःःः

कल्याण--      तु छैं दाणि ग्यौं कि, मैं दाणि कोदै की।
                   तु गोरि मैं कालु, हमरि कनकै निभणै की।।

पुुुष्पा--          द्वी मिली ढबड़ि बणी जौला,
                   द्वी रंग दुनिया का, काना कालु राधा गोरी,
                   दिल मिलणै बात च, 

                   खूब जमलि हमरि जोड़ी।।

कल्याण--.     त्व्वे कु बोलला उजुलू दिन,  

                   मैं कु कालि रात,

                   बोलला दिन रात कनकै रैला साथ।।

पुुुष्पा--          दुनिया त दुनिया च कुछ भी बोलदी,
                   कु नि जणदु, दिन रात मिलदा द्वी बार,
                   दिल मिलण से, मन का फूल खिलदा।।

कल्याण--       काला गोरौ भेद दुनिया करदी,
                    क्वी मुख पै, क्वी पीठ पिछनै बोलि मरदी,
                    दुनिये सुणि सूणी तु भी बदलि जैली।।

पुुुष्पा-              काला गोरौ भेद प्यार नि करदु,
                      हमरि भी खूब जमलि जोड़ी,
                      रात दिना मिलण पै,

                      सुप्रभात शुभसंध्या होली।।

                ःःः कल्याण सिंह चौहान ःःः
                          ःःःःःःःःःःःः