तेरु भरोसु

 ।।ःः तेरू भरोसु ःः।।

          ःःःःःःः

प्यार छौं, तेरा प्यारौ भरोसू चांदु ।
रंग छौं, तेरा रंगा रंग रंगंण चांदु  ।।

ख्याल छौं, तेरा ख्यालू रैण चांदू ।
सुपन्यु छौं, तेरा सुपन्यौ औण चांदु।।

आधु छौं, त्वे दगड़ि पूरु होण चांदु।
निराश छौं, तेरा होंठूं हैंसण चांदु।।

लाटु छौं, तेरि वाणि लगण चांदु ।
खुशी छौं, तेरा मन मचलण चांदु।।

खुश रंग छौं, तेरा हाथूं रचण चांदु।
बोल छौं, तेरा मुखन बोलण चांदु ।।
प्यार, प्यार, प्यार, बस तेरु प्यार छौं।।

ःः कल्याण सिंह चौहान ःः
     ःःःःःःःःःःःःः