सुमन त्वे मिलणू

 
।ःःःःसुमन त्वे मिलणू ःःःः।
           ःःःःःःःःःः

त्वे मिलणू मेरू मन सुमन, त्वे मिलणू,
कनकै मिलू, कख जी मीलू,
दुनिया की लाज सुमन, दुनिया की लाज,
त्वे मिलणे मेरू मन सुमन, त्वे मिलणू।।

तेरा प्यार सुमन, तेरा प्यार,
न खाणै चिंता सुमन, न स्यौणै फिकर,
सुदबिजू सी ह्वेग्यौं, तेरा बगैर,
त्वे मिलणू मेरू मन सुमन, त्वे मिलणू।।

तेरा सुपन्यौं ख्वैग्यौं सुमन, तेरा सुपन्यौं,
कभी हैंसौंदा, कभी रुलौंदा,
कभी कुतगली दे चुप ह्वे जांदा,
त्वे मिलणू मेरू मन सुमन, त्वे मिलणू।।

तेरी रत्न्याली आंखी, सुमन, तेरी रत्न्याली,
कभी झुकी जांदी, कभी मीली जांदी,
तेरी आंख्यूं न लूट्याली मेरू मन 
त्वे मिलणू मेरू मन सुमन, त्वे मिलणू।।

नजर लगी रैंदी सुमन तेरा बाटा,
तेरू मठुमठु हिटूणू, मठुमठु
मुलमुल हैंसूणौं, मुलमुल हैंसूणौं,
त्वे मिलणू मेरू मन सुमन, त्वे मिलणू।।

      ।ःःःःकल्याण सिंह चौहान ःःःः।।
                ःःःःःःःःःःःःःः