तेरू प्यार पुष्पा

 
।ःःःःःःतेरू प्यार पुष्पा ःःःःःः।।
            ःःःःःःःःःःःः

तेरू प्यार पैकी पुष्पा, तेरू प्यार।
तेरू प्यार पैकी पुष्पा, तेरू प्यार।
मेरा जीवन ऐगी मौल्यार।।

ओणिकोणि खिलिगेन, ओणिकोणी।
चौदिशी छैगी बसंत बहार, चौदिशी छैगी।
तेरू प्यार पैकी पुष्पा, तेरू प्यार।।

तीसा मनै तीस बुझिगे पुष्पा, तीसा मनै
तपदा बदन सौण बरिसिगे, सौण बरिसिगे।
मेरा मन बगदी प्यारै नयार।।

तेरू प्यार पैकी पुष्पा, तेरू प्यार।।
तेरा प्यार डूबी ग्यों पुष्पा, तेरा प्यार।

सूखा मन फैली प्यारै बयार।।

तेरा हाथ, डुबो चाहे लगौ पार।
तेरू प्यार पैकी पुष्पा, तेरू प्यार।।

तेरी सूरत बसिगे मेरा मन पुष्पा, मेरा मन
बुझयां मन प्यारै ज्योत जगीगे।
सुना मन प्यारै घंटी बजीगे।
तेरू प्यार पैकी पुष्पा, तेरू प्यार।।

तिन चैही नीच पुष्पा तिन चैही।
हम एक ह्वे ही जांवां।हम एक
तेरा आंसू मेरि आंख्यूं औंदा
तेरू प्यार पैकी पुष्पा, तेरू प्यार।।

तू ठैरी नौ कू पाणी पुष्पा, नौ कू पाणी
गाड गदनू होंदी, दूर चली जांदा।
अपणी दुनिया बसौंदा
तेरू प्यार पैकी पुष्पा, तेरू प्यार।।

        ःःःःःःकल्याण सिंह चौहान ःःःःःः

                ःःःःःःःःःःःःःःःः