प्यारौ नियम

 

।।ःः।।ःःप्यारौ नियमःःः।।ःः।।
          ःःःःःःःःःःःःःः

एक ही नियम च प्यार कू, कि क्वी नियम नी प्यार कू,
कख, कब, कैसे ह्वे जाउ प्यार, 
कख कब क्वी छोड़ जाउ यार,
प्रेमी भी, क्वी नि जाणी आजतक,
एक ही नियम च प्यार कू, कि क्वी नियम नी प्यार कू।।

उम्र देखदु न, देखदु रंग रूप,
अमीरी गरीबी देखदु न, जात पात,
किलै होंदु इन, क्वी नि जाणी आजतक,
एक ही नियम च प्यार कू, कि क्वी नियम नी प्यार कू।।

एक नजर मिली प्यार की,
ह्वेगि हलचल दिन रातै की,
अजीब सी अनुभूति प्यार की,
किलै, क्वी नि जाणी आजतक
एक ही नियम च प्यार कू, कि क्वी नियम नी प्यार कू।।

आंख्यूं शुरू, मिठ्ठू एहसास प्यार कू,
कै कु सच्चु झूठु, कै कु कम ज्यादा,
नपणौ पैमानु, क्वी नि जाणी आजतक,
एक ही नियम च प्यार कू, कि क्वी ने यम नी प्यार कू।।

विश्वास पै जिन्दा, शक पै खत्म प्यार,
कु निभलु साथ, कु दगा देलु यार,
प्रेमी भी, क्वी नि जाणी आजतक,
एक ही नियम च प्यार कू, कि क्वी नियम नी प्यार कू।।

           ःःःःःःकल्याण सिंह चौहान ःःःःःः
                   ःःःःःःःःःःःःःःःःःः