भकल उम्र

ःःःः  भकल उम्र ःःःः

        ःःःःःःःःःः

भकल उम्र छै मेरी, 17-18 सालै की,

दाड़ि छै न मोच, फिकर छै न सोच,

नई उमंगै, उडान रोज।। भकल उम्र ...।।

जिन्दगी मा ऐ एक मोड़, मचैगि तोड़फोड,

बरखै सी रोड़खोड़, नि चली क्वी जोड़तोड़।।

भकल उम्र छै मेरी, 17-18 ....।।

सुपन्या ह्वेन चकनाचूर, सदन्यू ह्वेगि घपरोल,

कंधा पोड़िगि हौळज्यू, लगिगि जनु जोळ।।

भकल उम्र छै मेरी, 17-18 ...।।

समणि खड़ि ज्वनी देल, मुण्ड धरेगि भारु बोझ,

खेलणु कुदुणु छूटि, भेल पाखा लमड़ि जनु होड़।।

भकल उम्र छै मेरी, 17-18..।।

कुड़िपुंगड़ि चलदु करणू, ह्वेगि मेरि मांगुणौ जोड़,

ब्बै बब्वी क्वी छुंईं न बत, बस मेरा भ्यौ की रौड़।।

भकल उम्र छै मेरी, 17-18 ...।।

मेरु भ्यौ ह्वे ग्याई, मेरी दुनिया बदल ग्याई,

भकल उम्र छै मेरी, 17-18 सालै की।।

       

   ःःःः कल्याण सिंह चौहान ःःःः