कुमौ गढ़ै पुष्पा

 ःःःः  कुमौ गढ़ै पुष्पा ःःःः

           ःःःःःःःःःः

कुमौ गढ़ की पुष्पा हे पुष्पा,

कनु स्वाणु प्यारु तेरु रंग रूप,

कनु स्वाणु प्यारु तेरु रंग रूप, कुमौ गढ़.....।।

पूर्णमसी जोन मुखड़ी तेरी हे पुष्पा,

लाल बिंदूली माथा झिलमिल,

कुमौ गढ़ की पुष्पा हे पुष्पा,

कनु स्वाणु प्यारु तेरु रंग रूप।।

कालि कुएड़ि खुली लटूली तेरी हे पुष्पा,

बंदी धौंपेली कालु गुरौ,

कुमौ गढ़ की पुष्पा हे पुष्पा,

कनु स्वाणु प्यारु तेरु रंग रूप।।

होंठ तेरा फूल बुरांस हे पुष्पा,

दांतु पाटि चमकदी बिजली,

कुमौ गढ़ की पुष्पा हे पुष्पा,

कनु स्वाणु प्यारु तेरु रंग रूप।।

आंखी रत्न्याली मस्त तेरी हे पुष्पा,

करदी घौ कतली सी,

कुमौ गढ़ की पुष्पा हे पुष्पा,

कनु स्वाणु प्यारु तेरु रंग रूप।।

गलोड़ि हिंसरै गोदंगी तेरी हे पुष्पा,

कुलैंई सी छड़छड़ी बांद तू,

कुमौ गढ़ की पुष्पा हे पुष्पा,

कनु स्वाणु प्यारु तेरु रंग रूप।।

     ः ः कल्याण सिंह चौहान ःः