मेहंदी च रात

मेहंदी च रात

ःःःःःःःःःः

खुशी च बात, मेहंदी च रात,

खुशनुमा मेहंदी रचणी, ब्यौला ब्यौली का हाथ।।

खुशी च बात, मेहंदी च रात.....

भोल द्वी अजाण, धरी हाथू मा हाथ,

एक हैकै की जान, ह्वे जाला एक साथ।।

खुशी च बात, मेहंदी च रात........

ढोल दमौ बजा, बजा मसकबाजु, डी जे कु साज,

नाचा, कूदा, दगड़ियों दगड़, खुशी की रात।।

खुशी च बात, मेहंदी च रात.....

पुरणौं की रीत, गा मांगल गीत,

जीवनसाथि मिलणू, मिलणू मन कु मीत।।

खुशी च बात, मेहंदी च रात....

बचपन कु दगड़ु, छूटलु घुमचे.घुमचे छुईं बतु खिकत्याट,

शरीर कखि, मन कखि, आंखि पिया बाट।।

खुशी च बात, मेहंदी च रात........

           .....कल्याण सिंह चौहान....