फुल्वी पंखूड़ियूं
#### "फुल्वी पंखूड़ियूं" ####
चल उमा फुल्वी पंखूड़ियूं, अपणा प्यारै दुनिया बसौला।
झूठी माया जख क्वी, घोल न होने,
चकड़ैत्वा जख, झूठा बोल न होन।
चल उमा फुल्वी पंखूड़ियूं, अपणा प्यारै दुनिया बसौला।
बंटरा जख, क्वी ओडा न होन,
मौर संगाड़ू जख, क्वी ताळा न होन।
चल उमा फुल्वी पंखूड़ियूं, अपणा प्यारै दुनिया बसौला।
दिवरु्वी जख क्वी, आंखि कंदुड़ि न होन,
आंख्यूं का जख, क्वी शूल न होन।
चल उमा फुल्वी पंखूड़ियूं, अपणा प्यारै दुनिया बसौला।
क्वी कै कू जख, कांडा न बोन।
क्वी जख अपणू, प्यार न खोन।
चल उमा फुल्वी पंखूड़ियूं, अपणा प्यारै दुनिया बसौला।
कै आंख्यूं जख क्वी, आंसु न होन।
जख कै कि हार, कै कि जीत न होन।
चल उमा फुल्वी पंखूड़ियूं, अपणा प्यारै दुनिया बसौला।
## कल्याण सिंह चौहान "दिल" ##
## कल्याण सिंह चौहान "दिल" ##
नोट -#- बहुत पुराना लिखा हुआ है पर पोस्ट नहीं किया, क्योंकि इस तरह का गीत कोई गा चुके हैं। शुभ कार्य में देर भली नहीं। आपके प्यार व आशीर्वाद की अपेक्षा रखते हैं। दिल से प्रणाम
Comments
Post a Comment