काळु-तिल

 ::::"काळु-तिल"::::

      ########

गोरी पंगळदक मुखड़ि, सोना पै सुहागु,

तेरु काळु-काळु तिल, तेरु काळु-काळु तिल।।

नौणै सी गोंदिगि, सुर्ख गळोड़ियू,स्वाणु लगदु,

तेरू गैरु-गैरु पिल, तेरू गैरु-गैरु पिल ।।

ठुमक-ठुमक हिटदु, नागिन सी धौंपेलि,

तेरी इनै-उनै हिल, धौंपेलि तेरी इनै-उनै हिल।।

औंदु-जांदु देखणू त्वे, दाना-सयणौं की भी,

आंखि-कंदुड़ि चिल, आंखि-कंदुड़ि चिल।।

हर दिलै धड़कन, हर दिल मा बसी, हर क्वी चांदु,

मैं अकेला मिल, मैं अकेला मिल।।

गोरी पंगळदक मुखड़ि, सोना पै सुहागु,

तेरु काळु-काळु तिल, तेरु काळु-काळु तिल।।

          :::: कल्याण सिंह चौहान "दिल":::