दीपा स्याळी
##दीपा स्याळी##
:::::::::::::::::::::::
मन, अपणा बस नि रै, मेरु यु मन,
तु रचिगें-बसिगें मेरा ये मन, मेरा ये मन,
दीपा स्याळी मेरा ये मन, मेरा ये मन।
मन, अपणा बस नि रै, मेरु यु मन,
मन ह्वे ग्यें तु, ह्वे ग्यें मेरु तन-बदन,
ह्वे ग्यें तु दीपा स्याळी, मेरु मन-तन-बदन।
मन, अपणा बस नि रै, मेरी यु मन,
मेरु मन, तन-बदन ह्वे ग्यें तू,
ह्वे ग्यें मेरी गेड़ियू धन, दीपा स्याळी मेरी गेड़ियू धन।
मन, अपणा बस नि रै, मेरु यु मन,
मेरी गेड़ियू धन ह्वे ग्यें तू,
ह्वे ग्यें मेरु अनमोल रत्न,
दीपा स्याळी ह्वे ग्यें मेरु अनमोल रत्न।
मन, अपणा बस नि रै, मेरु यु मन,
मेरु अनमोल रत्न ह्वे ग्यें तू,
ह्वे ग्यें, मेरा ख्यालू स्वच्छंद गगन,
दीपा स्याळी, मेरा ख्यालूं स्वच्छंद गगन।
मन, अपणा बस नि रै, मेरु यु मन,
# कल्याण सिंह चौहान "दिल"#
Comments
Post a Comment